- शुक्रबार, २० असार, २०८२
काठमाण्डु, २९ भदौ– पाल्पामा चितुवा मृत फेला परेको छ ।
तानसेन नगरपालिका–१२ स्थित चण्डीभन्ज्याङ्ग–जोर्ते सडकको नालीमा सोमबार चितुवा मृत फेला परेको डिभिजन वन कार्यालय पाल्पाले जनाएको छ ।
कार्यालयका अनुसार पुच्छर नभएको अवस्थामा ४३ इन्च लम्बाइ र २७ इन्च उचाइको चितुवा मृत फेला परेको हो ।
डिभिजन वन कार्यालय, पाल्पा प्रहरी, सामुदायिक वन र स्थानीय जनप्रतिनिधिको रोहबरमा वन कार्यालय परिसरमा चितुवा गाडिएको छ ।
चितुवाको मृत्युको कारण खुलेको भने छैन ।
