- शुक्रबार, ८ साउन, २०८३
झापा, २९ भदौ– झापाको शिवसताक्षी नगरपालिका र अर्जुनधारा नगरपालिकामा दुई दिनमा दुई जनाको हत्या भएको छ ।
अर्जुनधारा नगरपालिकामा शनिबार राति र शिवसताक्षीमा शुक्रबार राति गरी दुई जनाको हत्या भएको झापा प्रहरी प्रमुख एसपी मिलन केसीले जानकारी दिए ।
केसीका अुनसार अर्जुनधारा नगरपालिका–६ स्थित महानन्द चोकमा इलाम सूर्योदय नगरपालिका–१० फिक्कलकी १९ वर्षीया मनिषा लाहोरको छुरा प्रहार गरी हत्या भएको छ । हत्या आरोपमा प्रहरीेले कैलाली गौरीगञ्ज नगरपालिका–३ का २० वर्षीय अनिल विकलाई पक्राउ गरेको छ ।
लोहारलाई छुरा प्रहार गरी भाग्ने क्रममा विकलाई स्थानीयले पक्राउ गरी प्रहरीको जिम्मा लगाएका थिए । छुरा प्रहारबाट घाइते भएकी लोहारको विर्तामोडस्थित विएण्डसी अस्पतालमा उपचारका क्रममा गए राति मृत्यु भएको हो ।
यस्तै शिवसताक्षी नगरपालिका–८ शितलचोकका रामप्रसाद सिटौलाको हत्या भएको छ । आफ्नै दाजु नारायण सिटौलाले शुक्रबार राति मादक पदार्थ सेवन गरी हत्या भाइको हत्या गरेको केसीले बताए ।
दुवैले सँगै मादक पदार्थ सेवन गरेकामा विवाद भएपछि नारायणले रामप्रसादलाई दाउराले हानेर हत्या गरेका थिए । उनलाई तत्काल प्रहरीले पक्राउ गरी अनुसन्धान गरिरहेको एसपी केसीले बताए ।
