- शुक्रबार, ८ साउन, २०८३
काठमाण्डु, २५ भदौ– प्रधानमन्त्री केपी ओलीका प्रमुख राजनीतिक सल्लाहकार विष्णु रिमालले पाँच हजार रुपैयाँसम्मको अनलाइन भुक्तानीमा शुल्क नलाग्ने व्यवस्था गुर्नपर्ने बताएका छन् ।
रिमालले सामाजिक सञ्जालमार्फत उक्त प्रस्ताव गरेका हुन् । सानातिना कारोबारमा समेत ११ रुपैयाँ ३० पैसा शुल्क लाग्ने व्यवस्था हटाइनुपर्ने उनको भनाइ छ ।
रिमालले चिया खाएको, साग किनेको जस्ता कारोबारमा समेत अनलाइन भुक्तानी गर्दा ११ रुपैयाँ ३० पैसा काटिने व्यवस्था सही नभएकाले ५ हजारभन्दा कम कारोबारमा त्यस्तो शुल्क लगाउन हुने वा नहुने भन्नेबारे सुझाव मागेका छन् ।
‘चिया खाएको, साग किनेको जस्ता साना कारोबारमा पनि ११ रुपैयाँ ३० पैसा काटिन्छ । १० रुपैयाँ तिर्दा २१ रुपैयाँ काटिने यस्तो त हुँदै भएन’, रिमालले लेखेका छन्, ‘मलाई यो गुनासो जायज लाग्यो । पाँच हजारभन्दा थोरै कारोबारमा यस्तो शुल्क नलगाउनु राम्रो हुन्छ कि ? सबैको सुझाव चाहन्छु ।’
१० रुपैयाँको बिस्कुट किनेर डिजिटल पेमेन्ट गर्दा बैंकहरूले १० रुपैयाँ चार्ज लगाउने गरेको र त्यसमा १३ प्रतिशत भ्याट जोडेर ११ रुपैयाँ ३० पैसा काटिने गरेको गुनासो आइरहेको रिमालले बताए ।
