- शुक्रबार, ८ साउन, २०८३
काठमाण्डु, २५ भदौ– धादिङको धुनिबेसी नगरपालिका–९ खत्रीपौवामा सोमबार साँझ पहिरो खसेर अवरूद्ध भएको त्रिभुवन राजमार्ग सञ्चालनमा आएको छ ।
साँझ ६ बजेतिर नागढुंगा सुरूङमार्ग नजिकै लेदोसहितको पहिरो खस्दा काठमाण्डु प्रवेश गर्ने र बाहिरिने प्रमुख नाका ठप्प भएको थियो ।
मंगलबार बिहानैदेखि दुईतर्फी सडक सञ्चालनमा आएको नागढुंगाका प्रहरी निरीक्षक हेम थपलियाले बताए ।
उनका अनुसार एक्सकाभेटर र टिपरको सहयोगमा बिहान ३ बजे पहिरो पन्छाइएको थियो ।
पहिरोका कारण रातभर दुवैतर्फ सवारी साधनको लामो लाइन लागेको थियो । अवरोध खुले पनि अझै सडकमा लामो ट्राफिक जाम रहेको प्रहरीले जनाएको छ ।
