- शनिबार, ९ साउन, २०८३
काठमाण्डु,११ भदौ -भदौ महिनाको शुरुवातसंगै देशैभरी दैनिक जसो अविरल रुपमा वर्षा भइरहेको छ । दशैभर मनसुनी वायुको प्रभाव कायम रहेकाले मनसुनको न्यून चापीय रेखा पश्चिममा सरदर स्थानमा छ ।
दक्षिणतिर र पूर्वतिर सरदर स्थानको आसपास अवस्थित रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ।
आज दिउँसो देशभर आंशिकदेखि साधारणतया बदली हुनेछ । कोशी, बागमती र लुम्बिनी प्रदेशका केही स्थानहरू तथा बाँकी प्रदेशका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको छ ।
यी प्रदेशका एक–दुई स्थानमा भारी वर्षाको समेत सम्भावना रहेको मौसम पुर्वानुमान महाशाखाले जनाएको छ । राति पनि देशभर आंशिकदेखि साधारणतया बदली भइ हल्का देखी भारी वर्षाको संभावना रहेको छ ।
