- शुक्रबार, २७ असार, २०८२
दार्चुला, २३ भदौ– दार्चुलाको व्यास गाउँपालिका–१ छयाँलेक तिंकरस्थित नेपाल–चीन सीमामा सशस्त्र प्रहरीको बोर्डर आउट पोष्ट (बीओपी) स्थापना भएको छ ।
सीमा सुरक्षा विभाग प्रमुख सशस्त्र प्रहरी अतिरिक्त महानिरीक्षक बंशीराज दाहालले शुक्रबार आयोजित एक कार्यक्रमबीच बिओपीको उदघाटन गरे । सो स्थान दार्चुला सदरमुकाम खलंगाबाट करिब १ सय १२ किलोमिटर उत्तरमा अवस्थित छ ।
यसअघि सशस्त्र प्रहरीको चीनको सीमानामा हुम्लाको हिल्सा, मुस्ताङको नेचुङ्ग, रसुवाको टिमुरे, सिन्धुपाल्चोकको तातोपानी र गुम्बा, दोलाखाको लामाबगर, संखुवासभाको किमाथाङका, ताप्लेजुङको ओलाङचुङगोला सहित ८ ठाउँमा बिओपी थियो ।
तिंकरमा स्थापना भएको बिओपीसहित चीनतर्फ ९ वटा र भारततर्फ २ सय ४३ गरी बिओपीको संख्या २ सय ५२ वटा पुगेको छ ।
तिंकरमा सशस्त्र प्रहरी निरीक्षकको कमाण्डमा रहने बिओपी स्थापनाको लागि हेलिकप्टरमा आवश्यक बन्दोबस्ती र जनशक्ति गत १३ भदौमै लगिसकिएको थियो ।
उक्त बिओपीबाट भारतको नाभिडाङ र चीनको ताक्लाकोट बजार नजिकै पर्छ।
