- मंगलबार, ९ असार, २०८३
दार्चुला, ४ असार– दार्चुलाको महाकाली लोकमार्गअन्तर्गत किम्तडी नजिक ट्रयाक्टर दुर्घटना हुँदा दुई जना बेपत्ता भएका छन् ।
बेपत्ता हुनेमा ट्रयाक्टर धनी बाजुरा दौकडी–४ का ५० वर्षीय इन्द्र बुढा र खलङ्गा–१, मसिन बालुवाका १२ वर्षीय शेरसिंह ठगुन्ना छन् । ढुङ्गा बोकेर आउँदै गरेको ट्रयाक्टरको अगाडिको भाग टुटेर सडकबाट महाकाली नदीमा खस्दा उनीहरु बेपत्ता भएका हुन् ।
चालक टेकबहादुर बुढा र स्थानीय हीरादेवी ठगुन्ना ट्रयाक्टरबाट हाम फालेर जोगिन सफल भएका छन् । चालकलाई प्रहरीले नियन्त्रणमा लिएको छ । बेपत्ताहरुको सशस्त्र प्रहरी र नेपाल प्रहरीले खोजी गरिरहेका छन् ।
