- शुक्रबार, २२ जेठ, २०८३
काठमाण्डु , १० कात्तिक -मंसिरमा काठमाण्डुमा हुन लागेको १३ औं दक्षिण एसियाली खेलकुद सागको तयारीमा रहेको नेपाली फुटबल टिम स्वदेश फिर्ता भएको छ ।
नेपालको यू-२३ टिम मैत्रीपूर्ण प्रतियोगिता खेलेर कतारबाट फर्किएको हो । कतारमा नेपालले म्यानमारसँग मैत्रीपूर्ण फूटबल खेलेको थियो । जसमा नेपाल र म्यानमार दुई-दुई गोलको बराबरीमा रोकिएका थिए ।
नेपाल सागको तयारीमा छ भने म्यानमार आसियानको तयारीमा रहेको हो । शुक्रबार राति भएको म्यानमारविरुद्धको खेलमा नेपालले २ पटक अग्रता लिए पनि जोगाउन भने असफल भएको थियो ।
आइतबार स्वदेश फिर्ता भएको नेपाली फुटबल टिमलाई अखिल नेपाल फुटबल संघ एन्फाका पदाधिकारीले स्वागत गरेका थिए ।
