- शनिबार, ३० जेठ, २०८३
काठमाण्डु, ११ वैशाख – प्रधानमन्त्री सुशील कोईरालाले तोकिएकै मितिमा संविधान बन्ने दावी गरेका छन् ।
लोकतन्त्र दिवसका अवसरमा शुभकामना सन्देश दिँदै प्रधानमन्त्री कोईरालाले अघिल्लो संविधानसभाले गरेका कामको स्वामित्व ग्रहण भैसकेकोले निर्धारित मितिमै संविधान बन्ने कार्यको प्रत्याभूति भैसकेको दावी गरेका हुन् ।
आउँदो माघ ८ गतेभित्र संविधान जारी गर्ने गरी कार्यतालिका बनेको छ ।
संविधानसभाको चुनावसँगै स्वदेशी र विदेशी लगानीकर्ताको उत्साह जागेको र देशमै रोजगारीका अवसर सिर्जना गर्नका लागि सरकार प्रतिवद्ध रहेको प्रधानमन्त्रीको सन्देशमा उल्लेख छ ।
प्रधानमन्त्री कोईरालाले ज्ञातअज्ञात शहीदप्रति श्रद्धाञ्जली अर्पण गर्दै जनआन्दोलनको घाईतेको शीघ्र स्वास्थ्य लाभको कामना गरेका छन् ।
