नेप्सेमा करिब ५ अंकको सुधार

काठमाण्डु,१०भदौ–नेपाल स्टक एक्सचेन्ज नेप्से परिसूचक मंगलबार सुधार भएको छ ।
यस दिन परिसूचक ४.८७ अंकले बढेर १२०८ बिन्दूमा पुगेको छ । कुल १६७ कम्पनीको ८ लाख ५० हजार कित्ता शेयर २४ करोड ४६ लाख रुपैयाँमा कारोबार भएको छ ।
यस दिन एनआईसी बैंकको सबैभन्दा बढी २ करोड ३६ लाख रुपैयाँभन्दा बढीको कारोबार भएको छ । समग्र परिसूचक बढेको दिन सबैको लघुवित्त कम्पनीका लगानीकर्ताले कमाएका छन् । यस कम्पनीको शेयर मूल्य ९.९४ अंकले बढेको छ , त्यस्तै आधीखोला लघुवित्त कम्पनीको शेयर मूल्य पनि ९.८९ अंकले बढेको छ । सबैभन्दा बढी गुमाउने सिटी एक्सप्रेस फाइन्नास रहेको छ । मंगलबार कारोबारमा आएका समूहमध्ये होटल र निर्जीवन बीमा समूहबाहेक सबै समूह बढेका छन् ।