- शुक्रबार, ६ असार, २०८२
काठमाडौँ, ७ वैशाख । संविधानसभा सचिवालयले समाचार सङ्कलन र सम्प्रेषणलाई सहज र सरल बनाउन मिडिया सेन्टरलाई सुधार गर्ने भएको छ ।
ललितपुरमा आज सम्पन्न संविधानसभा सचिवालय र सञ्चारकर्मीबीच ‘संसदीय सूचना सङ्कलन सम्प्रेषण चुनौती र समाधान’ विषयक दुईदिने अन्तक्र्रिया कार्यक्रममा संसद सचिवालयका प्रवक्ता मुकुन्द शर्माले विघटित संविधानसभादेखि नै प्रयोगमा ल्याइएको मिडिया सेन्टरका कम्प्युटरलगायतका उपकरणलाई छिट्टै उपयोगमा ल्याइने र पत्रकारका लागि उपलब्ध गराइएको अर्को कक्षमा पनि दुई वटा कम्प्युटर जडान गरिने जानकारी दिए ।
सञ्चारकर्मी र संविधानसभा सचिवालयबीचको सम्बन्धलाई अझ सुदृढ गर्न महिनाको एकपटक भेटघाट कार्यक्रम गर्ने र व्यवस्थापिका–संसद सचिवालयभित्रै पत्रकारका लागि एउटा कोठा उपलब्ध गराइने जानकारी पनि उनले लिए ।
