- मंगलबार, १७ असार, २०८२
भोजपुर, ३ वैशाख– एकीकृत माओवादी नेता कृष्णबहादुर महराले सरकारले द्वन्द्वकालीन घटनामा पूरानै कानुनअन्तर्गत कारबाही गर्ने क्रम नरोके मुलुक पुन: 
युद्धमा जान सक्ने चेतावनी दिएका छन् ।
एकीकृत माओवादी भोजपुरको दोश्रो जिल्ला सम्मेलनको बुधबार उदघाटन गर्दै उनले द्वन्द्वकालीन घटना ब्युँताउने काम भइरहे दुई माओवादी मिलेर आन्दोलन गर्ने बताए ।
उनले १२ बुँदे समझदारी, विस्तृत शान्ति सम्झौता र अन्तरिम संविधानको मर्म र भावनाविपरीत सरकारले राजनीतिक प्रतिशोधबाट प्रेरित भएर व्यक्ति–व्यक्तिलाई मुद्धा लगाइरहेको बताए ।
गाउँलेबाट तिरस्कृत अधिकारी परिवारले फुजेल घटनाका नाममा गाउँलेलाई दु:ख दिएको भनाइ उनको थियो । उनले संविधानसभामा परिवर्तनविरोधी शक्ति हाबी भएका कारण एक वर्षभित्र मुलुकले नयाँ संविधान पाउनेमा आशंका व्यक्त गरे ।
