- शनिबार, २३ जेठ, २०८३
काठमाण्डु, ३ जेठ – ह्वील चेयर कप टी–२० क्रिकेटमा नेपालले खराब प्रदर्शन गरेको छ ।
चार टोली सम्मिलित प्रतियोगितामा नेपालले तीनै टिमसँग पराजय भोगेको छ । यसअघि भारत र बंगलादेशसँग पराजित भएको नेपाल आज भएको अन्तिम खेलमा पाकिस्तानसँग १३० रनको भारी अन्तरले पराजित हुन पुग्यो ।
नेपाल पराजित हुँदा पाकिस्तान भने शीर्ष स्थानमा रहँदै फाइनलमा पुग्न सफल भएको छ । पाकिस्तानले भारतसँग पराजय भोगेको थियो भने बंगलादेशलाई हराएको थियो ।
कीर्तिपुरस्थित टीयू क्रिकेट मैदानमा भएको खेलमा टस हारेर ब्याटिङको निम्तो पाएको पाकिस्तानले २० ओभरमा चार विकेट गुमाउँदै २६९ रनको भारी योगफल तयार पारेको थियो ।
पाकिस्तानका लागि मोहम्मद लतिफले १४६ रनको योगदान दिएका थिए । २७० रनको लक्ष्य पछ्याएको नेपाल २० ओभरमा ६ विकेट गुमाउँदै १३९ रनमा समेटियो ।
जितसँगै पाकिस्तानले ४ अंक बनाएको छ भने शीर्ष स्थानमा रहेको भारतको ६ अंक छ ।
