- बिहीबार, ५ असार, २०८२
काठमाण्डु, १ वैशाख– नेपाल उद्योग वाणिज्य महासंघको वरिष्ठ उपाध्यक्ष चयनका लागि आज निर्वाचन हुँदैछ ।
वरिष्ठ उपाध्यक्षमा भवानी राणा र पशुपति मुरारकाको उम्मेदवारी छ । राणा नवनिर्वाचित अध्यक्ष प्रदीपजंग पाण्डे र मुरारका अध्यक्षमा पराजित भाष्करराज राजकर्णिकार प्यानलका हुन् ।
यसअघि हिजो बसेको नवनिर्वाचित कार्यसमितिले आज वरिष्ठ उपाध्यक्षको निर्वाचन गर्ने निर्णय गरेको थियो । महासंघको विधानअनुसार वरिष्ठ उपाध्यक्ष चयनका लागि ६१ सदस्यीय कार्यसमितिका सदस्यले मतदान गर्नेछन् ।
यसैबीच नवनिर्वाचित अध्यक्ष पाण्डेले निवर्तमान अध्यक्ष सुरज वैद्यबाट पद तथा गोपनियताको सपथ लिएका छन् ।
