ललितपुर, १२ फागुन – साझा यातायातमा पहिलो पटक महिला चालक नियुक्त भएकी छन् ।
करिब छ वर्षदेखि बन्द रहेको यातायात सेवा गत वैशाख १ गतेदेखि पुनः सञ्चालनमा ल्याई महिलामैत्री बनाउने उद्देश्यले यही फागुन ३ गतेदेखि रेविका थापालाई चालकमा नियुक्त गरिएको साझाले जनाएको छ ।
यस अघि सो यातायातमा पाँच जना महिला सहचालक मात्र रहेका थिए ।
पचपन्न सिट क्षमता रहेको सो बस १२ मिटर लामो रहेको भएपनि यसभन्दा अगाडि आफूले साना गाडीमा चालकको काम गरेकाले आफूलाई कुनै कठिन नभएको चालक थापा बताउँछिन् ।
महिलालाई प्रोत्साहन गर्न साझा यातायातले सकेसम्म महिला चालक र सहचालकलाई स्थान दिने साझाका प्रबन्धक महेन्द्रराज पाण्डेले बताए ।