बैद्यलाई २६ सिट दिन सकिने बाबुरामको तर्क

 

काठमाण्डु १९ कात्तिक–एकीकृत माओवादीका बरिष्ठ नेता डा बाबुराम भट्टराइले संबिधानसभा निर्वाचनपछि २६ सिट राजनीतिक सहमतिमा मोहन बैद्य नेतृत्वको नेकपा–माओवादीलाई दिन सकिने तर्क दोहोरयाएका छन । एमाले अध्यक्ष झलनाथ खनालले भने त्यसो गर्नु बैद्यका लागि अपमान हुने जिकिर गरेका छन । मेची महाकाली अभियानका लागि मंगलबार साँझ बिराटनगर पुगेका भट्टराईले नेकपा–माओवादी सहमतिमा आए निर्वाचनपछि पनि दलहरुको सहमतिमा संबिधानसभाको बाँकी २६ सिट दिन सकिने तर्क गरेका हुन । संबिधानसभामा दुई सय ४० प्रत्यक्ष निर्वाचित सदस्य हुनेछन भने तीन सय ३५ समानुपातिकबाट संबिधानसभामा पुग्नेछन । बाँकी २६ सिट राजनीतिक दलको सिफारिसमा मन्त्रिपरिषदले मनोनित गर्नेछ । खनालले मंगलवार काठमाण्डुमा पत्रकारहरुसँग भने ‘माओवादी जस्तो ठूलो शक्तिलाई त्यस्तो प्रस्ताव राख्नु अपमान हुन्छ । माओवादीसँग उसका एजेण्डालाई संविधानमा उल्लेख गर्ने र सहमति गर्ने विषयमा अब निर्वाचनपछि छलफल हुन्छ । अहिले यति र उति सीट दिन्छु भन्नु अपमान हो ।’