- शुक्रबार, ८ साउन, २०८३
काठमाण्डू, १३ जेठ– प्रतिपक्षी दल एमालेले प्रतिनिधि सभाको नयाँ बैठक कक्षका सिट फिल्म हल जस्तो र टेबल कक्षाकोठाको जस्तो बनाइएको भन्दै टिप्पणी गरेको छ ।
आज (बुधबार) बसेको प्रतिनिधि सभा बैठकमा एमाले प्रमुख सचेतक ऐनसिंह महरले नयाँ संसद हलमाथि प्रश्न उठाएका हुन । एमाले सांसद महरले भने, ‘त्यो सभा हल प्रतिनिधि सभाको हल हो, त्यहाँ सांसदहरु फिल्म हेर्न आएका होइनन्, ‘ती सिटहरु फिल्महलको जस्तो बनाइएको छ ।
टेबलहरु कक्षाकोठाका जस्तो बनाइएका छन् ।’ उनले थपे, ‘त्यो सभा हल जस्तो छैन, फिल्म हल जस्तो बनाउने कोसिस गरिएको छ । त्यसलाई ध्यान पुगोस् र त्यसलाई प्रतिनिधि सभाको गरिमामय हल जस्तो बनाइयोस् ।’
उनले यस विषयमा सभामुखमार्फत् सरकारको ध्यानाकर्षण समेत गराएका छन ।
