- आइतबार, १४ असार, २०८३
काठमाण्डू, २ साउन– गृहमन्त्री रमेश लेखकले सवारी दुर्घटनामा दैनिक औसत ७ जनाको मृत्यु हुने गरेको बताएका छन् ।
राष्ट्रिय सभा अन्तर्गतको संघीयता सबलीकरण तथा राष्ट्रिय सरोकार समिति बैठकमा शुक्रबार मन्त्री लेखकले पूर्वसावधानी नअपनाउने, लाइसेन्सबिना सवारी चलाउने जस्ता कार्यले सवारी दुर्घटनामा परेर मृत्यु हुनेको संख्या बढेको बताए ।
सवारी दुर्घटना, लागुऔषध र आत्महत्या सुरक्षा चुनौतीका रूपमा देखा परेको उनको भनाइ थियो । बैठकमा प्रहरी महानिरीक्षक दीपक थापाले गत आर्थिक वर्षमा सवारी दुर्घटनामा परी दुई हजार ५ सय ४९ जनाको ज्यान गएको विवरण प्रस्तुत गरे ।
थापाका अनुसार सवारी दुर्घटनाबाट मृत्यु हुनेमा सबैभन्दा बढी मधेस प्रदेश र सबैभन्दा कम कर्णाली प्रदेशका छन् ।
