कुलिङ पिरियडबारे छानबिन समितिले गर्‍यो रामहरिसँग सोधपुछ

काठमाण्डू, ३२ असार– कुलिङ पिरियडबारे भएको भनिएको हेरफेर छानबिन गर्न गठित संसदीय विशेष समितिले राज्य व्यवस्था तथा सुशासन समितिका सभापति रामहरि खतिवडासँग सोधपुछ गरेको छ ।

खतिवडालाई विशेष समितिले आज (बुधबार) सिंहदरबारस्थित समितिको सभाकक्षमा बोलाएर सोधपुछ गरेको हो । विशेष समिति कांग्रेसका सांसद जीवन परियारको नेतृत्वमा छ ।