- सोमबार, १५ असार, २०८३
काठमाण्डू, २९ असार– राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले आफुलाई विधानविपरीत कारबाही गरेको भन्दै नेता नवराज सुवेदी निर्वाचन आयोगमा पुगेका छन ।
राप्रपा नेता सुवेदीले आफूलाई राप्रपाको अनुशासन समितिको अध्यक्षबाट हटाइएको भन्दै निर्वाचन आयोगमा उजुरी दिन पुगेका हुन । ‘राजसंस्था पुनर्स्थापनाका लागि संयुक्त जनआन्दोलन समिति’का संयोजक सुवेदी आइतबार आयोग पुगेका हुन् ।
यसअघि आन्दोलन परिचालन समिति घोषणा हुँदा उनले आफूले राप्रपाको जिम्मेवारी छाडेको बताएका थिए । तर, अहिले अध्यक्ष राजेन्द्र लिङ्देनले रोशन कार्कीलाई नयाँ अध्यक्ष नियुक्त गरेसँगै उनी आक्रोशित भएका हुन् ।
राप्रपाको इतर समूहको सहयोगमा उनी आइतबार लट्ठी टेकेर आयोग पुगे । बिहान ११ बजेपछि आयोग पुगेका उनीसँगै राप्रपाका महामन्त्री धवलशमशेर राणालगायतका नेता कार्यकर्ताको पनि सहभागिता रहेको छ ।
