वीरगञ्जमा स्विमिङ पुलमा डुबेर एक बालकको मृत्यु

काठमाण्डू, २६ असार– पर्साको वीरगञ्जमा स्विमिङ पुलमा डुबेर एक बालकको मृत्यु भएको छ । वीरगञ्ज महानगरपालिका–१० पुरानो बसपार्कस्थित होटल दियालोको स्विमिङ पुलमा डुबेर वीरगञ्ज–११ रानीघाटका ९ वर्षीय बालक बजरंगी रौनियारको मृत्यु भएको प्रहरीले जनाएको छ ।

पौडी खेल्ने क्रममा डुबेर अशक्त भएका उनको नारायणी अस्पतालमा उपचारको क्रममा बुधबार राति मृत्यु भएको प्रहरीले जनाएको छ । यस सम्बन्धमा प्रहरीले आवश्यक अनुसन्धान गरिरहेको छ ।