- सोमबार, २३ असार, २०८२
काठमाण्डू, २३ असार– प्रमुख प्रतिपक्षी दल नेकपा माओवादी केन्द्रकी समानुपातिक सांसद छिरिङल्यामु लामाको चरित्र हत्या गरेको आरोपमा राप्रपाका एक युवा पक्राउ परेका छन् । अदालतले उनलाई ५ दिन थुनामा राख्न अनुमति दिएको छ ।
सांसद लामाको उजुरीमा राप्रपानिकट प्रजातान्त्रिक युवा संगठनका केन्द्रीय सदस्य रमेशबहादुर बडुलाई प्रहरीको साइबर ब्युरोले आइतबार पक्राउ गरेको हो । बागले एआईको माध्यमबाट भिडिओ बनाएर सामाजिक सञ्जालमार्फत सार्वजनिक गरेको सांसद लामाको आरोप छ ।
बागलाई पक्राउपछि काठमाण्डू जिल्ला अदालतबाट ५ दिनको म्याद थप गरेर अनुसन्धान कार्य जारी रहेको ब्युरोका प्रवक्ता एसपी दिपकराज अवस्थीले जानकारी दिएका छन ।
बागले गत असार १९ मा एउटा टिकटक भिडिओ आफ्नो फेसबुकमा सेयर गरेका थिए, जसमा लामा एक युवक सँग ओठमा चुम्बनरत रहेको देखिन्छ । बागले भने यो भिडिओ लामा आफैंले बनाएर टिकटकमा राखेको र आफूले ‘के हो यस्तो ?’ भनेर सेयर मात्र गरेको प्रहरीलाई बताएका छन् ।
