- बुधबार, २८ जेठ, २०८२
काठमाण्डू, २७ जेठ– एमाले अध्यक्ष समेत रहेका प्रधानमन्त्री केपी शर्मा ओलीले विद्यार्थीहरूलाई आफ्नो रुची अनुसारको विषय पढ्न दिनुपर्ने बताएका छन् । आज (मंगलबार) राजर्षी जनक विश्वविद्यालय जनकपुरको दीक्षान्त समारोहलाई मंगलबार सम्बोधन गर्दै प्रधानमन्त्री ओलीले यस्तो बताएका हुन ।
प्रधानमन्त्री ओलीले भने, ‘पढ्न पाएन भने सिक्न पाएन भने मूर्ख जस्तो बस्छन्, यदि उसले रोजेको विषय पढ्न पाए भने आफ्नो प्रतिभा अनुसार काम गर्न सक्छन् ।’ प्रधानमन्त्री ओलीले रुचीको विषय पढेर प्रतिभा देखाउन विद्यार्थीहरूलाई सुझाव समेत दिएका छन ।
विश्वविद्यालयको कुलपति समेत रहेका प्रधानमन्त्री ओलीले राजर्षी जनक विश्वविद्यालयमा पढेका विद्यार्थी हरेक ठाउँमा पूर्ण हुनुपर्नेमा जोड दिए । जनकपुर ज्ञानको भूमि भएको चर्चा गर्दै विश्वविद्यालयले जुनसुकै ठाउँमा पनि आफ्नो प्रतिभा देखाउन सफल हुने उनले बताए ।
सरकारले विश्वविद्यालयको लागि काम गरिरहेको समेत उनले बताएका छन ।
