- बुधबार, २८ जेठ, २०८२
काठमाण्डू, २७ जेठ– काठमाण्डूको टोखा नगरपालिकामा गोली चलेको छ । टोखाको ग्राण्डी अस्पताल नजिकै गोली हानेर प्रहरीले दुई जना लागुऔषध कारोबारीलाई नियन्त्रणमा लिएको छ ।
गोली चल्दा दुई जना प्रहरी पनि घाइते भएको प्रहरीले जनाएको छ । प्रहरी इन्स्पेक्टर राकेश यादवको टोलीले गोली चलाएर दुई जनालाई नियन्त्रणमा लिएको हो ।
उनीहरूको साथबाट १ सय ५० ग्रामभन्दा बढी ब्राउन सुगर पनि बरामद गरीएको प्रहरीले जनाएको छ । घाइते हुने प्रहरीमा रवीन्द्र केसी र नवराज घिसिङ रहेको नेपाल प्रहरीका एसएसपी कृष्ण कोइरालाले जानकारी दिएका छन ।
