- बिहीबार, १५ जेठ, २०८२
विराटनगर, १४ जेठ– गृहमन्त्री रमेश लेखकले विपद जोखिम न्यूनीकरण तथा व्यवस्थापन कार्यकारी समितिको बैठक बोलाएका छन् ।
समितिको ३२औं बैठक बुधबार सिंहदरबारमा बसेको हो । समितिको अध्यक्ष गृहमन्त्री हुन्छन् । मन्त्री लेखकको अध्यक्षतामा बसेको बैठकमा मनसुन पूर्वतयारी तथा प्रतिकार्य राष्ट्रिय कार्ययोजनामा छलफल भएको छ ।
राष्ट्रिय विपद जोखिम न्यूनीकरण तथा व्यवस्थापन प्राधिकरणले यस वर्षको मनसुनबाट २० लाखभन्दा बढी मानिस प्रभावित हुन सक्ने अनुमान गरेको छ ।
यो वर्ष अघिल्लो वर्षको तुलनामा अधिक वर्षात तथा बाढीपहिरोको जोखिम उच्च हुने पूर्वानुमान गरेर प्रतिकार्यको योजना बनाइएको प्राधिकरणका अधिकारीहरु बताउँछन् ।
जल तथा मौसम विज्ञा विभागले यो वर्ष अधिक वर्षा हुने भएकाले विपदका घटनामा बढोत्तरी हुन सक्ने भन्दै सतर्कता अपनाउन र विपदको पूर्वतयारी गर्न सम्वद्ध सरोकारवालालाई सचेत गराएको छ ।
