- बुधबार, ७ जेठ, २०८२
काठमाण्डू, ७ जेठ– नेपाल राष्ट्र बैंकका नवनियुक्त गभर्नर डा. विश्वनाथ पौडेलले सर्वोच्च अदालतका प्रधानन्यायाधीश प्रकाशमान सिंह राउतसमक्ष पद तथा गोप्नीयताको सपथ ग्रहण गरेका छन् ।
पौडेलले सर्वोच्च अदालत पुगेर राउतसँग सपथ लिएका हुन्। गभर्नर प्रधानन्यायाधीशसँग सपथ लिने कानुनी व्यवस्था छ । पौडेल सपथ लिएर पद बहाली गर्न नेपाल राष्ट्र बैंकतर्फ लागेका छन् ।
पौडेलले आज नै पदभार ग्रहण गर्दैछन् । सरकारले मंगलबार अर्थशास्त्री पौडेललाई राष्ट्र बैंकको १८ औँ गभर्नरको रुपमा नियुक्त गरेको थियो ।
