- शुक्रबार, २ जेठ, २०८२
काठमाण्डू, १ जेठ काठमाण्डू उपत्यकामा बिहीबार लोडसेडिङको झल्को दिने गरी पटकपटक बिजुली गएको छ ।
पटकपटक बत्ती आउने र जाने भएपछि उपत्यकाबासी अवाक भए । सामाजिक सञ्जाल प्रयोगकर्ताले झ्यापझ्याप बत्ती जानुको कारणबारे सरकारसँग जवाफ मागेका छन् ।
सरकारले अघोषित रुपमा लोडसेडिङ गराएको आरोप उनीहरुले लगाएका छन् । कतिपयले कुलमान घिसिङलाई हटाएर हितेन्द्रदेव शाक्यलाई नेपाल विद्युत प्राधिकरणको कार्यकारी निर्देशक बनाइएका कारण लोडसेडिङ भएको समेत भन्न भ्याएका छन् ।
काठमाण्डू उपत्यकाका तीन जिल्लासहित देशभरका मुख्य सहरमा बिजुली आउनेजाने समस्या देखिएको धेरै दिन भइसक्यो ।
प्राधिकरणका प्रवक्ता राजाभाई शिल्पकारले देशभर नै बत्ती जाने समस्या रहेको बताए । भारतमा उत्पन्न समस्याका कारण नेपालमा विद्युत आपूर्ति प्रभावित भएको उनको भनाइ थियो ।
