- शुक्रबार, २६ असार, २०८३
काठमाण्डू, १० फागुन– कांग्रेस नेता डा. शेखर कोइरालाले पार्टीको महाधिवेशनलाई आमनिर्वाचनपछि धकेल्न खोजे कांग्रेस कमजोर हुने बताएका छन ।
आज (शनिबार) काठमाण्डूमा प्रजातन्त्र सेनानी संघका प्रतिनिधिलाई चियापान कार्यक्रमको आयोजना गर्दै कांग्रेस नेता कोइरालाले यस्तो बताएका हुन । उनले तोकिएको समयमा नै पार्टीको महाधिवेशन हुनुपर्ने बताएका छन ।
उनले समयमा नै महाधिवेशन सम्पन्न गर्न सबैले पार्टी नेतृत्वलाई दबाब दिनुपर्ने बताएका छन । नेता कोइरालले कोइरालाले दुईदलीय गठबन्धन बनाएपछि भएका गतिविधि हेर्दा कांग्रेस एमालेकरण भएको हो कि जस्तो देखिएको भन्दै चिन्ता समेत व्यक्त गरेका छन ।
कांग्रेस ठूलो पार्टी भए पनि आफ्नो नेतृत्वमा भन्दा पनि अरूको नेतृत्वमा सरकारमा सहभागी हुनु उचित नभएको पनि बताएका छन ।
त्यस्तै, कोइरालाले सरकारको गलत कामलाई निरन्तर खबरदारी गर्नुपर्नेमा जोड दिए । पार्टीभित्र कसैलाई पनि अन्याय हुन नदिने पनि बताएका छन ।
