- शुक्रबार, २६ असार, २०८३
काठमाण्डू, १ फागुन– दोलखाको बैतेश्वर गाउँपालिका–६ स्थित नाम्दुमा शिक्षिकालाई आक्रमण गर्नेविरुद्ध ज्यान मार्ने उद्योग सम्बन्धी कसुरमा जाहेरी दार्ता भएको छ ।
२८ माघमा एक जना युवकले धारिलो हतियार देखाउँदै त्रिपुरा क्याम्पसमा अध्यापन गर्ने उषा तामाङ लामालाई क्याम्पसको गेट नजिकै आक्रमण भएको थियो । आक्रमणमा ३२ वर्षीय सुन्दर अधिकारीको संलग्नता खुलेको छ ।
आरोपी बैतेश्वर–६ नाम्दुका स्थानीय हुन् । उनको खोजी कार्य भइरहेको जिल्ला प्रहरी कार्यालय दोलखाका इन्स्पेक्टर शत्रुधन महतोले जानकारी दिएको छ ।
सीसीटिभी फुटेजमा सुरुमा युवकले उनलाई हुत्त्याएर लडाएपछि खुकुरी प्रहार गर्न खोजेको देखिन्छ । स्थानीयले प्रतिकार गरेपछि आक्रमणकारी फरार भएका छन ।
