- शनिबार, २७ असार, २०८३
काठमाण्डू, ३० माघ– गृहमन्त्री रमेश लेखकले दरबारमार्गमा प्रहरीमाथि कुटपिट गर्नेलाई कारबाही गर्न प्रहरीलाई निर्देशन दिएका छन् ।
लेखकले प्रहरी महानिरीक्षक वसन्तबहादुर कुँवरलाई गृह मन्त्रालयमा बोलाएर घटनामा संलग्न जो सुकै भए पनि कारबाही गर्न निर्देशन दिएका हुन् ।
त्यस क्रममा मन्त्री लेखकले शान्ति सुरक्षा कायम गर्ने सिलसिलामा प्रहरीमाथि भइरहेको दुव्र्यवहारका घटनाप्रति गम्भीर ध्यानाकर्षण भएको बताएको उनको सचिवालयले जनाएको छ ।
दरबारमार्गस्थित केशरमहल बिटबाट ड्युटीमा खटिएको क्विक रेस्पोन्स टीमका प्रहरीमाथि सरकार नेतृत्कवर्ता एमाले सम्वद्ध विद्यार्थी संगठन अनेरास्ववियुको एक समूहले आक्रमण गरेको थियो ।
आक्रमणबाट प्रहरी हवल्दार जगुलाल चौधरी र जवान नगेन्द्रराज विष्ट घाइेत भएका थिए । अखिल समूहले प्रहरीको मोटरसाइकल लडाएर कुटपिट गरेको भिडियो सामाजिक सञ्जालमा भाइरल भएको छ ।
आक्रमणमा संलग्नमध्ये ताप्लेजुङका २६ वर्षीय दिनेश सिग्देल र डडेल्धुराका २२ वर्षीय रमेश फुलारा मात्र पक्राउ परेका छन् ।
घटनाको नेतृत्व गरेका एमाले अखिलका स्थायी कमिटी सदस्य कमलराज जोशीलाई भने उन्मुक्ति दिइएको छ ।
