बालेनलाई अमरेशको च्यालेन्जः कवाडी गोदाम होइन सक्छौँ भने सिंहदरबार भत्काएर देखाऊ

काठमाण्डू, २८ माघ– स्वतन्त्र सांसद डा. अमरेश कुमार सिंहले काठमाण्डू महानगरपालिकाका प्रमुख (मेयर) बालेन्द्र शाहा (बालेन)ले महानगर भित्र कवाडी व्यवसायीमाथि गरेको व्यवहारप्रति आपत्ति व्यक्त गरेका छन । आज (सोमबार) प्रतिनिधि सभाको बैठकमा बोल्दै स्वतन्त्र सांसद सिंहले यस्तो बताएका हुन ।

आइतबार टेकुस्थित कवाडी गोदाम भत्काउन पुगेको काठमाण्डू महानगरको प्रहरी टोलीले व्यवसायीमाथि गरेको व्यवहारप्रति आपत्ति जनाएका हुन् । उनले काठमाण्डूका मेयर बालेन्द्र साहलाई कवाडी गोदाम मात्र नभएर सिंहदरबार भत्काउन पनि च्यालेन्ज समेत दिएका छन ।

उनले भने, ‘बालेनलाई च्यालेन्ज गर्छु हिम्मत छ भने संसद भवन भत्काएर देखाऊ, हिम्मत छ भने सिंहदरबार भत्काएर देखाऊ, हिम्मत छ भने सर्वोच्च अदालत, बालुवाटार र शीतल निवास भत्काएर देखाऊ। यो नाजीवाद मेयरको चल्दैन ।’