- सोमबार, १० चैत, २०८१
काठमाण्डू, २७ माघ– सत्ता घटक दल एमालेका सांसद रघुजी पन्तले आगलागी नियन्त्रणको योजना के छ भनेर सरकारलाई प्रश्न गरेका छन । आज (आइतबार) बसेको प्रतिनिधि सभाको शून्य समयमा बोल्दै एमाले सांसद पन्तले यस्तो बताएका हुन ।
प्रतिनिधि सभाको बैठकमा बोल्दै सांसद पन्तले भने, ‘आगलागी नियन्त्रणका लागि सरकारको तयारी के छ ? अनि अहिलेसम्मका पीडितहरूको बारेमा के भइरहेको छ ? सभामुखको रुलिङ होस्, गृहमन्त्री यहाँ आएर अहिलेसम्मका स्पष्ट विवरण दिनुस् ।
गत असोजको विपद्मा सरकारले ‘भिजिबिलिटी’ पुगेन भनेर उद्धार नगरेको उल्लेख गर्दै उनले सचेत गराए, ‘फेरि भिजिबिलिटी पुगेन भन्ने अवस्था नआओस् । आगलागीबाट प्रभावित भएकाहरूको सुरक्षाका लागि सरकारले चाँडै कदम चालोस् ।’
