- बुधबार, ३१ असार, २०८३
काठमाण्डु, ७ पुस– सुदूरपश्चिम प्रदेशका आर्थिक मामिला राज्यमन्त्री प्रकाश बम सवार गाडी भारतमा दुर्घटना भएको छ ।
राज्यमन्त्री बम सवार प्रदेश ३–०१–०२४च नम्बरको कार भारतको खिरी जिल्लास्थित पलिया बजारमा भारतीय गाडीसँग ठोक्किएको हो ।
दुर्घटनामा राज्यमन्त्री बम, उनकी श्रीमती कल्पना र सहयोगी पदम देउवा घाइते भएका छन् ।
कैलाली प्रहरीका सूचना अधिकारी प्रहरी निरीक्षक दर्शन खड्काले राज्यमन्त्री बमको मुख र नाकमा चोट लागेको जानकारी दिए । यस्तै श्रीमती कल्पनाको छातीमा र देउवाको टाउकोमा चोट लागेको छ ।
घाइते तीनैजनाको धनगढीस्थित निसर्ग अस्पतालमा उपचार भइरहेको छ ।
