- सोमबार, २९ पुष, २०८१
काठमाण्डु, २९ मंसिर- बुटवलबाट काठमाण्डु आउँदै गरेको यात्रु बस पृथ्वी राजमार्गअन्तर्गत धादिङको गल्छीमा दुर्घटना भएको छ ।
लु२ख ६६७६ नम्बरको बस गल्छी गाउँपालिका ६ सुत्केरी ढुंगामा दुर्घटना भएको प्रहरीले जनाएको छ । २४ जना सवार बस अनियन्त्रित भएर सडक छेउमा रहेको डिभाइडरमा ठोक्किएको थियो ।
दुर्घटनामा ८ जना घाइते भएको जिल्ला प्रहरी कार्यालय धादिङका प्रहरी निरीक्षक प्रल्हाद सिलवालले जानकारी दिए ।
सिलवालका अनुसार घाइते हुनेमा कपिलवस्तुको शिवराज नगरपालिका-३ का ४० वर्षीय गोपाल सुनार, ३९ वर्षीया अस्मिता आले, बारगंगा नगरपालिका-३ का ५४ वर्षीय जनक गौतम, सुर्खेतको गुर्भाकोट नगरपालिका-१ का ४२ वर्षीय चित्रबहादुर पाण्डे, काभ्रेको बनेपा नगरपालिका-७ का ३१ वर्षीय सुकराम कार्की, सोही ठाउँका ५८ वर्षीय विजय कार्की, स्याङ्जाको आधिखोला गाउँपालिका-१ का ५६ वर्षीय नन्दलाल अधिकारी र रामेछापको सुनापति गाउँपालिका-१ का ४२ वर्षीय राजनकुमार दास छन् ।
घाइते सबैलाई उपचारका लागि काठमाण्डु ल्याइएको छ । यसैबीच प्रहरीले बसचालक रूपन्देही सैनामैना नगरपालिका९९ का ३० वर्षीय भूपेन्द्र चापागाइँलाई नियन्त्रणमा लिएको छ ।
