- शुक्रबार, १ साउन, २०८३
काठमाण्डु, ४ मंसिर– नवलपरासीबाट काठमाण्डुतर्फ आउँदै गरेको लु२ ख२५० नम्बरको ट्रक त्रिशूलीमा खसेको छ ।
धादिङको बेनीघाट रोराङ गाउँपालिका–१० खयरघारीबाट बिहान करिब ६ बजेतिर ट्रक त्रिशूलीमा खसेको प्रहरीले जनाएको छ ।
धादिङ प्रहरीका प्रहरी निरीक्षक प्रह्लाद सिलवालले दुर्घटनास्थलबाट ट्रक धनी चितवनको खैरहनी नगरपालिकाका ४६ वर्षीय सुरेश गुरुङ, चालक नवलपरासीका २७ वर्षीय आशिष महतो र सह–चालक २६ वर्षीय राजु थापामगरलाई उद्धार गरिएको बताए ।
उनीहरुको मझिमटारस्थित स्थानीय स्वास्थ्य संस्थामा उपचार भइरहेको छ । ट्रक अनियन्त्रित भएर नदीमा खसेको प्रहरीको भनाइ छ ।
