- शुक्रबार, १ साउन, २०८३
दाङ, ३ मंसिर– दाङको तुलसीपुरबाट एक भारतीयसहित तीनजना लागुऔषध ब्राउन सुगरसहित पक्राउ परेका छन् ।
पक्राउ पर्नेमा भारत रुपैडियाका ३४ वर्षीय इरफान राई, तुलसीपुर– ६ का २८ वर्षीय मनोज सुनार र १९ वर्षीय रञ्जित बुढाथोकी रहेको प्रहरीले जनाएको छ ।
इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले इरफानको साथबाट ३ ग्राम ८१२ मिलिग्राम ब्राउन सुगर बरामद गरिएको बताए ।
इरफानको बयानका आधारमा मनोज र रञ्जितलाई पनि पक्राउ गरिएको थापाले जानकारी दिए ।
