- शुक्रबार, १ साउन, २०८३
तुलसीपुर, ३० कात्तिक- नेपाली एक हजार दरका १२ थान नक्कली नोटसहित तुल्सीपुर उपमहानगरपालिका-९ बेलुवाबाट प्रहरीले शुक्रबार ४ जनालाई पक्राउ गरेको छ ।
पक्राउ पर्नेहरूमा तुलसीपुर उपमहानगरपालिका-१० राइसल्यानका ३० वर्षीय राममनि चौधरी, तुलसीपुर-९ दोघरेका १९ वर्षीय धनबहादुर खत्री, शान्तिनगर गाउँपालिका-४ घर भई तुलसीपुर-९ बेलुवा बस्ने १७ वर्षीय किशोर र तुलसीपुर-८ का १७ वर्षीय किशोर छन् ।
बालक भएकाले दुई किशोरको परिचय खुलाइएको छैन ।
विशेष सूचनाको आधारमा इलाका प्रहरी कार्यालय तुल्सीपुरबाट खटिएको प्रहरीले उनीहरूलाई उक्त नक्कली नोटसहित पक्राउ गरेको हो ।
