- बिहीबार, २७ मंसिर, २०८१
काठमाण्डु, २६ कात्तिक– काठमाण्डुको चन्द्रागिरि नगरपालिका–१, दहचोकबाट एक किशोर सम्पर्कविहीन भएका छन् ।
कात्तिक २५ गते आइतबार बिहान ९ बजे स्कुल जान हिँडेका १५ वर्षीय दिनेश रेग्मी सोमबारसम्म पनि सम्पर्कमा आएका छैनन् ।
चन्द्रागिरिको दहचोकस्थित ठूलाबुवा प्रकाशराज रेग्मीको घरबाट स्कुल पोशाकमा निस्किएका रेग्मी साँझ घर नफर्किएपछि आफन्तले खोजी गरेका थिए ।
तर सोमबार दिउँसोसम्म पनि दिनेश सम्पर्कमा नआएको उनको परिवारले जानकारी दिएको छ ।
दैलेखको भगवतीमाई गाउँपालिका–३ मेहलतोलीका मणिराम रेग्मी (हाल सुर्खेत बस्दै आएका) का छोरा दिनेश रेग्मी काठमाण्डुको दहचोकमा ठूलाबा प्रकाशराज रेग्मीको घरमा अध्ययन गर्न बस्दै आएको उनको परिवारले जानकारी दिएको छ ।
काठमाण्डुको थानकोटस्थित मंगलोदय माविमा कक्षा ९ मा अध्ययनरत उनी गहुँगोरो वर्णका रहेको जनाइएको छ ।
अहिलेसम्म नभेटिएको हुनाले कसैले देखेमा उनका बालकको ठूलोबुवा प्रकाशराज रेग्मीलाई ९८५१०२७८२४ मा गरिदिनसमेत परिवारले अनुरोध समेत गरेको छ ।
