- बिहीबार, २७ मंसिर, २०८१
काठमाण्डू, २४ कात्तिक- काँग्रेस नेता शेखर कोइरालाले वर्तमान सरकार ठीक दिशामा नचलेको बताएका छन् ।
उदयपुरको त्रियुगा नगरपालिका-११ मा शनिबार विपी कोइरालाको शालीक अनावरण कार्यक्रमलाई सम्बोधन गर्दै कोइरालाले सरकारको कार्यशैलीप्रति असन्तुष्टि जनाए ।
वर्तमान सत्ता गठबन्धन निर्माण हुनुअघि काँग्रेस र एमालेबीच भएको सात बुँदे सहमतिअनुसार सरकारले कुनै काम नगरेको आरोप उनले लगाए ।
संविधान संशोधनसहित महत्वपूर्ण काम गर्ने गरी आफ्नो दलको समर्थनमा वर्तमान सरकार निर्माण भएको स्मरण गर्दै केइरालाले सरकारले संविधान संशोधनको काम सुरु नगरेकामा आपत्ति जनाए ।
सात बुँदे सहमति कार्यान्वनबारे प्रश्न उठाउनुपर्ने बेला आएको उनको भनाइ थियो ।
संविधान संशोधन गर्न वर्तमान सरकारले अन्य दलसँग पनि सहकार्य सुरु गर्नुपर्नेमा कोइरालाले जोड दिए ।
