- शनिबार, २ साउन, २०८३
काठमाण्डु, १० कात्तिक– वन तथा वातावरण मन्त्रालयको नाम परिवर्तन भएको छ ।
कोप–२९ सम्मेलनको पूर्वसन्ध्यामा शनिबार राजधानीमा आयोजित कार्यक्रममा वन मन्त्रालयका सचिव दीपककुमार खरालले मन्त्रिपरिषद बैठकले मन्त्रालयको नाम परिवर्तन गर्ने निर्णय लिएको बताए ।
अब उक्त मन्त्रालयको नाम वन, वातावरण तथा जलवायु परिवर्तन राखिने भएको छ ।
उनले जलवायु परिवर्तनका क्रियाकलापलाई समन्वयात्मक रुपमा अघि बढाएर लैजान मन्त्रालयको नाम परिवर्तन गरिएको उनको भनाइ थियो ।
जलवायु परिवर्तनबाट नेपालको विशेष परिवेश, पर्वतीय भूगोलको कारणले धेरै समस्या र चुनौती उत्पन्न भएको खरालले बताए ।
जलवायु परिवर्तनका कारण आफ्नो भूमिका नभए पनि नेपालले ठूलो क्षति व्यहोरिरहेको उनको भनाइ छ ।
