- बुधबार, ६ साउन, २०८३
महोत्तरी, ३० असोज- प्रहरीले स्रोत नखुलेको ८ लाख ५ हजार ५ सय रकमसहित महोत्तरीको मनरा सिस्वा नगरपालिका-२ भोल्ही चोकबाट एक जनालाई पक्राउ गरेको छ ।
जिल्ला प्रहरी कार्यालयको टोलीले बुधबार चेकजाँचका क्रममा सम्सी गाँउपालिका-७ का २८ वर्षीय रामस्नेही साहलाई नियन्त्रणमा लिएको हो ।
साह वीआर३०एएफ ३८७६ नम्बरको भारतीय नम्बरको मोटरसाइकलमा भारतबाट नेपालतर्फ आइरहेका थिए ।
उनको साथबाट १ हजार दरका ८ सय १ थान र ५ सय दरका ९ वटा नोट बरामद गरेको
महोत्तरीका प्रहरी प्रवक्ता डीएसपी सन्तुलाल प्रसाद जैसवारले जानकारी दिए ।
