- बुधबार, ६ साउन, २०८३
काठमाण्डु, ३० असोज– सरकारका प्रवक्ता समेत रहेका सञ्चार तथा सूचना प्रविधिमन्त्री पृथ्वीसुब्बा गुरुङले सहकारी छानविन समितिको प्रतिवेदन अनुसार दोषीमाथि कारवाहीको प्रक्रिया सुरु भइसकेको जानकारी दिएका छन ।
आज (बुधबार) सिंहदरबारमा रेडियो नेपालको दनुवार भाषामा समाचार तथा कार्यक्रम प्रसारण शुभारम्भ गर्दै सञ्चारमन्त्री गुरुङले यस्तो बताएका हुन ।
उनले प्रतिवेदनले दोषी देखाएका निकाय र व्यक्तिमाथि कारवाही गर्न सम्बन्धीत मन्त्रालयलाई लेखिपठाइसकेको पनि जानकारी दिएका छन । उनले वर्तमान सरकारले सहकारी पीडित जनतालाई न्याय दिएरै छाड्ने प्रतिवद्धता समेत जनाएका छन ।
त्यस्तै मन्त्री गुरुङले उखु किसान र दुग्ध किसानको बक्यौता भुक्तानीका लागि पनि सरकारले आवश्यक सहजीकरण गरेको पनि बताएका छन । जनताको समस्याप्रति संवेदनशील बन्नका लागि वर्तमान सरकार बनेको उनले बताएका छन ।
उनले सरकारको स्थीरताका लागि ठूला दुई दल मिल्नुपरेको पनि बताएका छन । उनले वर्तमान सरकार गठन भएपछि मुलुकको आर्थिक अवस्था सुदृढ हुँदै गएको पनि बताएका छन ।
यसअघिको सरकारले निर्माण व्यवसायीको भुक्तानी गर्न बाँकी रकम अहिलको सरकारले क्रमश भुक्तानी गर्दै जाने उनले बताएका छन ।
