- बिहीबार, ५ असार, २०८२
काठमाण्डु, १४ असोज–नेपाल आयल निगमले पेट्रोलियम पदार्थको मूल्य घटाएको छ ।
अन्तर्राष्ट्रिय बजारमा निरन्तर मूल्यमा गिरावट आइरहेका बेला भारतीय आयल कर्पोरेशन (आईओसी) ले स्वचालित प्रणालीअनुसार मूल्य घटाएर नयाँ मूल्य सूची पठाएपछि निगमले पेट्रोल, डिजेल, हवाई इन्धन र मट्टीतेलको मूल्य घटाएको हो ।
सोमबार राति १२ बजेबाट लागू हुने गरी निगमले पेट्रोलमा प्रतिलितर १ रुपैयाँ, डिजेलमा र मट्टीतेलमा समान २ दुई रुपैयाँ दरले मूल्य घटाइएको निगमले जनाएको छ ।
हवाई इन्धन आन्तरिकतर्फ प्रतिहजार लिटरमा ६ तथा बाह्यमा ४५ रुपैयाँ घटेको छ ।
भारतबाट एलपी ग्याँसको मूल्य बढेर आए पनि चाडपर्व मुखैमा आएका कारण यथावत राखिएको निगमको भनाइ छ ।
