- शुक्रबार, ८ साउन, २०८३
चितवन, ५ असोज– चितवनको नारायणगढमा मोटरसाइकल दुर्घटना हुँदा त्यसमा सवार दुई जनाको मृत्यु भएको छ ।
बागमती प्रदेश–०६–००२प३१४५ नम्बरको मोटरसाइकल भरतपुर महानगरपालिका–२ लिलाचोक नजिकै गएराति सवा १ बजेतिर अनियन्त्रित भई दुर्घटना भएको हो ।
चितवन प्रहरीका डिएसपी भेषराज रिजालका अनुसार मृत्यु हुनेमा मोटरसाइकल चालक नवलपुरको गैंडाकोट–५ कांग्रेसचोकका २६ वर्षीय रबिन थापा र लमजुङ दुधपोखरी–६ का ४० वर्षीय पूर्णबहादुर गुरुङ छन् ।
दुर्घटनामा गम्भीर घाइते भएका दुवैको चितवन मेडिकल कलेज भरतपुरमा उपचारका क्रममा मृत्यु भएको हो ।
