तीन किलो चरेससिहत भारतीय नागरिक पक्राउ

काठमाण्डु, २ असोज– वीरगञ्जबाट प्रहरीले लागुऔषध चरेससहित एक जना भारतीय नागरिकलाई पक्राउ गरेको छ । प्रहरीले वीरगञ्ज महानगरपालिका–२ डम्पिङ साइडबाट भारत उत्तर प्रदेश कुडोल फतेहावादका गोपाल गिरीलाई सोमबार पक्राउ गरीएको प्रहरीले जानकारी दिएको छ ।

विशेष सूचनाका आधारमा खानतलासी गर्ने क्रममा गरीले बोकेको प्लाष्टिकको झोलामा करिब तीन किलोग्राम चरेस फेला परेको थियो । पक्राउ परेका गिरीविरुद्ध लागुऔषधसम्बन्धी कसुरमा थप अनुसन्धान गरिरहेको जिल्ला प्रहरी कार्यलय पर्साले जनाकारी दिएको छ ।