- सोमबार, २१ असोज, २०८१
काठमाण्डु, २ असोज– बर्दियामा एक जना महिलाको हत्या आरोपमा युवक पक्राउ परेका छन । बारबर्दिया नगरपालिका– ५ तर्कापुरकी– ३९ वर्षीया मीना थारूको घरमै धारिलो हतियार प्रहार गरि हत्या भएको ।
हत्या आरोपमा बारबर्दिया– ११ का ४० वर्षीय पप्पु भनिने शिवप्रशाद थारू पक्राउ परेको जिल्ला प्रहरी पवक्ता डिएसपी तुल्सीराम अर्यालले जानकारी दिएका छन ।
मंगलबार मध्यराति सवा १२ बजेर तिर शिव मीनाको घरमै गइ उनीमाथि धारिलो हतियार प्रहार गरेका थिए । घाँटी र टाउकोमा गहिरो चोट लागेकी मीनालाई नगर अस्पताल जयनगरमा पुर्याउनासाथ राति साढे १२ बजेतिर चिकत्सकले मृत घोषणा गरेको प्रहरीले जानकारी दिएको छ ।
मीनामाथि धारिलो हतियार प्रहारपछि फरार रहका शिवलाई प्रहरीले राति नै बारबर्दिया-५ सिटीबलेरी क्षेत्रवाट पक्राउ गरिएको डिएसपी अर्यालले जानकारी दिए । घटनाबारे थप अनुसन्धान भइ रहेको प्रहरीले जानकारी दिएको छ ।
