- शुक्रबार, ८ साउन, २०८३
काठमाण्डु, २ असोज– परराष्ट्रमन्त्री आरजु राणा देउवाले क्यानडाका परराष्ट्रमन्त्री मिलेनी जोलीसँग भेटवार्ता गर्दैछिन् ।
राणा नेतृत्वको प्रतिनिधिमण्डलबीच आज भेट हुन लागेको ओटावास्थित नेपाली राजदूतावासले जनाएको छ ।
परराष्ट्रमन्त्री देउवा क्यानडा–नेपाल संसदीय मैत्री समूहका पदाधिकारीहरूसँगको बैठक तथा संविधान दिवसका अवसरमा दूतावासले आयोजना गर्ने स्वागत समारोहमा पनि सहभागी हुने कार्यक्रम छ ।
देउवा असोज ३ र ४ मा क्यानडाको टोरोन्टोमा हुने महिला परराष्ट्रमन्त्रीहरूको बैठकमा भाग लिन ओटावा पुगेकी हुन् ।
क्यानडाका परराष्ट्रमन्त्री जोलीको मैत्रीपूर्ण निमन्त्रणामा उक्त बैठकमा भाग लिन देउवा मंगलबार क्यानडा पुगेकी थिइन् ।
मन्त्री देउवालाई मन्ट्रियल अन्तर्राष्ट्रिय विमानस्थलमा क्यानडाका लागि नेपालका राजदूत भरतराज पौड्याल, नेपाली दूतावासका कर्मचारी र क्यानडा सरकारका प्रतिनिधिले स्वागत गरेका थिए ।
