- शनिबार, ३ जेठ, २०८२
काठमाण्डु ३० भदौ– सत्तारुढ दल एमालेले सभामुखले रूलिङ गरेको हिंसा शब्दलाई लिएर नेकपा माओवादीले संसद् अवरोध गरे त्यसको क्षति माओवादीलाई हुने चेतावनी दिएको छ ।
प्रतिनिधि सभाका सभामुख देवराज घिमिरेले बोलाएको दलका प्रमुख सचेतकहरूको बैठक पश्चात् सञ्चारकर्मीहरूसँग कुराकानी गर्दै एमालेका मुख्य सचेतक महेश बर्तौलाले यस्तो चेतावनी दिएका हुन ।
उनले नियमापत्तिको विषयमा निर्णय गर्ने अधिकार सभामुखलाई भएको पनि बताएका छन । उनले हाउसलाई चलाउने अधिकार कसलाई हो भन्ने प्रश्न पनि गरेका छन । उनले भने, ‘निर्णय गर्ने अधिकार सभामुखलाई छ ।
सभामुखको रूलिङ सबैले मान्नुपर्छ । नियमापत्तिमाथि निर्णय गर्ने अधिकार सभामुखलाई छ । त्यसको खिलाफमा माओवादीले हाउस चल्न निदेन बेठिक छ‚’ उनले भने‚ ‘हिंसा शब्द लिएर बैठक अवरोध गरे माओवादीको संसदीय प्रणालीमाथीको निष्ठा प्रश्न उठेको छ ।
यो विषय फिर्ता लिनुहोस् भनेका छौँ। ’ भदौ १२ गते एमाले सांसद योगेश भट्टराईले जनयुद्धलाई हिंसा भनेका थिए । जसको विरोध माओवादीले गरिरहेको हो ।
