- सोमबार, २१ असोज, २०८१
सप्तरी, २४ भदौ– माओवादी केन्द्रका अध्यक्ष पुष्पकमल दाहाल प्रचण्डले आफू बेदाग सरकारबाट बाहिरिएको बताएका छन् ।
सप्तरीको सुरुङ्गा नगरपालिका–२ रक्साहामा माओवादी सशस्त्र जनयुद्धका शहीदहरु दुर्गाराज पौडेल र उपेन्द्र कोइरालाको शालिक अनावरण गर्दै सोमबार उनले सरकारमा बसेर गरेका कामबारे आफूमाथि कसैले दाग लगाउन नसक्ने दाबी गरे ।
देश र जनताको पक्षमा काम गरिरहेका बेला हठात सरकारबाट बाहिरिनुपरेको उनको भनाइ थियो ।
नक्कली शरणार्थी प्रकरणका दोषी, भूमाफिया तथा दलाल र बिचौलियाविरुद्ध कारबाही अघि बढेपछि सरकार ढालिएको उनले बताए ।
प्रचण्डले आफ्नो सरकारले नै मधेसमा बिकराल समस्याका रुपमा रहेको नागरिकता समस्या समाधान गरेको उल्लेख गरे ।
फरक प्रसंगमा उनले शहीदको रगतबाट प्राप्त राजनीतिक उपलब्धी उल्ट्याउन खोज्ने प्रयास सफल हुन नदिइने बताए ।
