- शुक्रबार, ४ असोज, २०८१
तनहुँ, २६ साउन–पृथ्वीराजमार्गअन्तर्गत तनहुँको आँबुखैरेनी गाउँपालिका–३ मिलनचोकमा शनिबार बस दुर्घटना हुँदा १३ यात्रु घाइते भएका छन् ।
लमजुङबाट नारायणगढतर्फ जाँदै गरेको ग१ज ८२९४ नम्बरको माइक्रोबस र दमौलीबाट मुग्लिनतर्फ जाँदै गरेको बा४ख ४४७० नम्बरको मिनीबस अनियन्त्रित भई सडकमा पल्टिएका प्रहरीले जनाएको छ ।
दुवै सवारी साधन राजमार्गमा गुडिरहेका बेला अचानक पल्टिएका थिए । दुवै बस पल्टिएको दूरी करिब एक सय मिटर छ ।
तनहुँ प्रहरीका डिएसपी दीपककुमार रायले दुर्घटनामा घाइते भएकाहरूको आँबुखैरेनी अस्पतालमा उपचार भइरहेको जानकारी दिए ।
लगातारको वर्षातका कारण सडकमा हिलो जमेकाले चिप्लिएर बस पल्टिएको प्रहरीको प्रारम्भिक अनुसन्धानले देखाएको छ ।
